បច្ចេកវិទ្យា
កំពុងរីកចម្រើនយ៉ាងខ្លាំងក្លានាពេលបច្ចុប្បន្ន
ហើយសំណង់ធំៗទាំងអស់
ត្រូវបង្កើតឡើងដោយជំនួយពីគ្រឿងម៉ាស៊ីនច្រើនជាងកម្លាំងមនុស្ស។
យ៉ាងណាមិញ សម័យបុរាណដែលមិនទាន់មានគ្រឿងម៉ាស៊ីន
មនុស្សត្រូវប្រើកម្លាំងសុទ្ធសាធ
តែបែរជាអាចបង្កើតសំណង់អច្ឆរិយជាច្រើន
តួយ៉ាងដូចជាប្រាសាទអង្គរវត្តជាដើម...
ខាងក្រោមនេះ គឺជាសំណង់បុរាណដ៏អស្ចារ្យទាំង១០ ដែលសាងសង់ឡើងដោយមនុស្សពិតៗ៖
១. សំណង់ព្រះពុទ្ធ Leshan Giant Buddha (ប្រទេសចិន)
សំណង់ព្រះពុទ្ធដ៏ធំមហិមានេះ មានកម្ពស់ជិត ៦៨ម៉ែត្រ ត្រូវបានសាងសង់ឡើងក្នុងរាជវង្សតាង។ ឆ្លាក់ចេញពីថ្មភ្នំ មានទឹកហូរកាត់ក្រោមជើង ធ្វើឲ្យសំណង់នេះ មានភាពលេចធ្លោពោរពេញដោយទស្សនីយភាពយ៉ាងអស្ចារ្យ។
២. រាជវាំង Cliff Palace (សហរដ្ឋអាមេរិក)
សំណង់នៅក្រោមថ្មភ្នំនេះ ត្រូវសាងសង់ឡើងដោយប្រជាជន Pueblo កាលពីសម័យបុរាណ ក្នុងចន្លោះឆ្នាំ១១៩០ និង ១២៦០ ដែលមានទីតាំងនៅភាគនិរតីសហរដ្ឋអាមេរិក។
៣. វត្តអារាម Montserrat Monastery (ប្រទេសអេស្ប៉ាញ)
កាល
បរិច្ឆេទនៃការសាងសង់សំណង់វត្តនេះឡើង មិនត្រូវបានគេស្គាល់ទេ
ប៉ុន្តែព្រះសង្ឃមួយក្រុមអាចជាស្ថាបនិកបង្កើតវាឡើងក្នុងសតវត្ស
ទី៩។
៤. សំណង់ Mont Saint Michel (ប្រទេសបារាំង)
ពេល
កំពុងសាងសង់ តំបន់នោះជាកន្លែងស្ងួតហួតហែងទេ
ប៉ុន្តែលុះក្រោយពេលសង់រួច ទឹកបែរជាឡើងលិចតំបន់ជុំវិញ
ដែលធ្វើឲ្យសំណង់ប្រៀបដូចជាកោះមួយ។ សំណង់រាងមូលនេះ
ត្រូវបានសាងសង់ឡើងក្នុងចន្លោះសតវត្សទី៦ និងទី៧។
៥. សំណង់ផ្ទះភក់ Shibam Mud Houses (ប្រទេសយេមែន)
ឃើញ
សំណង់ខ្ពស់ៗទាំងនេះ អាចគិតថាទើបសាងសង់ឡើងក្នុងសម័យទំនើប
ប៉ុន្តែតាមពិតវាជាសំណង់សម័យបុរាណ
ដែលមានអាយុកាលរាប់រយឆ្នាំមកហើយ។ ស្ថិតនៅក្នុងតំបន់វាលខ្សាច់
ភាគកណ្ដាលប្រទេសយេមែន សំណង់ភក់នេះបានក្លាយជាជម្រកនៃប្រជាជន
៧០០០នាក់នាពេលបច្ចុប្បន្ន។ នៅក្នុងទសវត្សរ៍ឆ្នាំ១៥៣០
ទឹកជំនន់ដ៏ខ្លាំងក្លាបានវាយប្រហារខូចខាតផ្នែកខ្លះ
ប៉ុន្តែវានៅតែជាសំណង់ភក់ខ្ពស់ជាងគេលើលោក ដែលមានកម្ពស់ចាប់ពី
៥ ទៅ ១១ជាន់។
៦. ប្រាសាទអង្គរវត្ត (ព្រះរាជាណាចក្រកម្ពុជា)
បង្អួត
រាងលើទឹកដីខេត្តសៀមរាប នៃព្រះរាជាណាចក្រកម្ពុជា
ប្រាសាទអង្គរវត្តបានទាក់ទាញភ្ញៀវទេសចរជាច្រើនមកពីគ្រប់ទិសទី
និងជាប់កំណត់ត្រាជាសំណង់ឧទ្ទិសសាសនាធំជាងគេលើលោក។
ព្រះបាទសូរ្យវរ្ម័នទី២ ជាអ្នកសាងសង់ប្រាសាទដ៏អស្ចារ្យនេះឡើង
ក្នុងឆ្នាំ១១១៣ ដល់១១៥០ ដើម្បីឧទ្ទិសដល់អាទិទេពសាសនាហិណ្ឌូ
ព្រះវិស្ណុ។
៧. ជញ្ជាំង Chand Baori Wall (ប្រទេសឥណ្ឌា)
ជញ្ជាំង
ដ៏អស្ចារ្យនេះ ផ្គុំឡើងដោយជណ្ដើរតូចៗ ៣៥០០ និងមានកម្ពស់ ១៣ជាន់
សាងសង់ឡើងក្នុងចន្លោះឆ្នាំ ៨០០ និង ៩០០។
មិនមែនត្រឹមតែសាងសង់ឡើងលើទេ
គឺគេបានសាងសង់ចាក់ជ្រៅទៅក្រោមដីជម្រៅជាង ៣០ម៉ែត្រទៀត។
៨. សំណង់ The Alhambra (ប្រទេសអេស្ប៉ាញ)
សំណង់ The Alhambra មានទីតាំងក្នុងក្រុង Granada ប្រទេស
អេស្ប៉ាញ និងចាប់ផ្ដើមសាងសង់ឡើងក្នុងឆ្នាំ៨៨៩។ បន្ទាប់មក
នៅសតវត្សទី១១ វាត្រូវបានគេកែច្នៃ និងសាងសង់ឡើងវិញម្ដងទៀត
រហូតចុងក្រោយប្រែក្លាយជារាជវាំងក្នុងឆ្នាំ១៣៣៣។
៩. ព្រះវិហារ Kizhi Pogost (ប្រទេសរុស្ស៊ី)
កោះមួយនៅក្នុងបឹង Onega បាន
ក្លាយជាកន្លែងទ្រព្រះវិហារឈើធំពីរ
ដែលសាងសង់ឡើងក្នុងសតវត្សទី១៧។
ព្រះវិហារនេះទាក់ទងនឹងដំណើររឿងព្រេងមួយថា បុរសម្នាក់ប្រើតែពូថៅ
ដោយគ្មានដែកគោល សង់ព្រះវិហារឡើងរួចរាល់ បោះពូថៅនោះចូលក្នុងទឹក
និងនិយាយថា “នឹងគ្មានសំណង់ណាមួយ អាចប្រដូចជាមួយសំណង់នេះទេ”។
១០. សំណង់ Bagan (ប្រទេសមីយ៉ាន់ម៉ា)
មាន ការពិភាក្សាគ្នាច្រើន ទាក់ទងនឹងកាលបរិច្ឆេទសាងសង់សំណង់ព្រះពុទ្ធសាសនាដ៏ធំក្នុងប្រទេស មីយ៉ាន់ម៉ានេះ ដោយសារមិនដឹងច្បាស់។ យ៉ាងណាមិញ ចន្លោះសតវត្សទី៧ និងទី១៣ អាចជាពេលសាងសង់ប្រាសាទព្រះពុទ្ធសាសនាចំនួន ១ម៉ឺនឡើង ខណៈបច្ចុប្បន្ននៅមានវត្តមានប្រហែលត្រឹម ២២០០ប៉ុណ្ណោះ៕
មាន ការពិភាក្សាគ្នាច្រើន ទាក់ទងនឹងកាលបរិច្ឆេទសាងសង់សំណង់ព្រះពុទ្ធសាសនាដ៏ធំក្នុងប្រទេស មីយ៉ាន់ម៉ានេះ ដោយសារមិនដឹងច្បាស់។ យ៉ាងណាមិញ ចន្លោះសតវត្សទី៧ និងទី១៣ អាចជាពេលសាងសង់ប្រាសាទព្រះពុទ្ធសាសនាចំនួន ១ម៉ឺនឡើង ខណៈបច្ចុប្បន្ននៅមានវត្តមានប្រហែលត្រឹម ២២០០ប៉ុណ្ណោះ៕
0 comments:
Post a Comment