ការបាក់ទឹកចិត្តអាចធ្វើឲ្យយើងចុះខ្សោយនូវអ្វីមួយ ហើយវាមិនដូចទៅនឹង ពាក្យ “មិនសប្បាយចិត្ត” នោះទេ។ ជួនកាលមានហេតុផលមួយចំនួនធ្វើឲ្យអ្នកមិនសប្បាយចិត្ត ដូចជាបណ្តាលមកពីមានការស្តីបន្ទោសនៅកន្លែងការងារ ឬមិនពេញចិត្តនឹងអ្វីមួយ។ វាស្ទើរតែធ្វើឲ្យអ្នកលែងចង់គិតអ្វីទាំងអស់ ប្រៀបដូចជាមនុស្សដែលដើរលើផ្លូវដោយមិនដឹងថាខ្លួនកំពុងតម្រង់ទិសទៅណាឲ្យច្បាស់អញ្ចឹង។ ពេលខ្លះអ្នកបាត់បង់ក្តីសង្ឃឹម តែអ្វីដែលអ្នកកំពុងធ្វើដោយមិនដឹងខ្លួន បែរជាមានលទ្ធផលល្អធ្វើឲ្យអ្នកសប្បាយចិត្តទៅវិញ។  ដូច្នេះខាងក្រោមនេះជាវិធីសមញ្ញដើម្បីជួយកាត់បន្ថយជំងឺធ្លាក់ទឹកចិត្តរបស់អ្នកបាន៖

ប្រមូលអារម្មណ៍ និងធ្វើចិត្តឲ្យស្ងប់កុំគិតទៅលើកំពុងតូចតាចដែលមានធ្វើ និងបារម្ភអ្វីដែលមិនសំខាន់សម្រាប់ខ្លួនអ្នក។ ពេលខ្លះដោយសារចំនុចអវិជ្ជមានដ៏តូចមួយក៏ធ្វើឲ្យអ្នកស្មុគស្មាញដែរ ព្រោះនៅតែគិតពីរឿងទាំងនោះ។ ដូច្នេះអ្នកគួរតែអង្គុយកន្លែងដែលធ្វើឲ្យអារម្មណ៍របស់អ្នកស្រស់ថ្លា ឬសួរច្បារ ដែលធ្វើឲ្យខួរក្បាលរបស់អ្នកស្រលះល្អ។

ការស្តាប់តន្រ្តីដែលអ្នកចូលចិត្ត វាធ្វើឲ្យអារម្មណ៍របស់យើងនឹងអណ្តែតអណ្តូងទៅតាមចង្វាក់ភ្លេងផងដែរ។ ប៉ុន្តែការស្តាប់តន្រ្តីដែលមានចង្វាក់លឿន​ វាកាន់តែធ្វើឲ្យអ្នកមានអារម្មណ៍ល្អ នឹងមិនគិតពីអ្វីទាំងអស់។ ដូច្នេះការស្តាប់តន្រ្តីដែលអ្នកចូលចិត្តគឺធ្វើឲ្យអាចបំភ្លេចនូវទុក្ខកង្វល់មួយចំនួនបាន។

អ្នកប្រហែលធ្លាប់លេងរបស់លេងមួយចំនួនហើយ ដូចជាអេប៉ុងទន់ៗសម្រាប់ច្របាច់លេងដើម្បីកាត់បន្ថយស្រេស ឬរបស់ផ្សេងៗទៀតដែលអ្នកអាចលេងបាន ព្រោះវាជួយសម្រួលសសៃឈាមដោយការធ្វើចលនាដៃ។ អ្នកវិទ្យាសាស្រ្តបានបង្ហាញថាការធ្វើបែបនេះជួយមនុស្សមួយចំនួនឱ្យជម្នះជំងឺធ្លាក់ទឹកចិត្ត, បន្ថយអ័រម៉ូនស្ត្រេស Cortisol និងបង្កើនអ័រម៉ូន Oxytocin ។

ការស្រាវជ្រាវបានបង្ហាញថាមនុស្សដែលមានជំងឺធ្លាក់ទឹកចិត្តជារឿយៗខ្វះអាស៊ីដខ្លាញ់ដែលគេស្គាល់ថា EPA ។ ការសិក្សាមួយក្នុងឆ្នាំ ២០០២ ដែលមាននៅក្នុង Archives of General Psychiatry បានយកប្រេងត្រីមួយក្រាមជារៀងរាល់ថ្ងៃហើយបានកត់សម្គាល់ឃើញថាការថយចុះ ៥០% នៃរោគសញ្ញាដូចជាការថប់បារម្ភ, បញ្ហានៃការគេង, អារម្មណ៍មិនដឹងខ្លួន ការធ្វើអត្តឃាតនិងការថយចុះចំណង់ផ្លូវភេទ។ អាស៊ីតខ្លាញ់អូមេហ្គា ៣ ក៏អាចបន្ថយកូឡេស្តេរ៉ូលនិងបង្កើនសុខភាពសរសៃឈាមបេះដូងផងដែរ ទទួលបានអូមេហ្គា ៣ ដូចជាត្រីសាម៉ុង ឬត្រីធូណា។

ការបាក់ទឹកចិត្តរបស់មនុស្សគឺកើតឡើងដោយតែចូលចិត្តមើលអ្វីគ្រប់យ៉ាងក្នុងផ្លូវអវិជ្ជមាន។ ពេលខ្លះឃើញអ្វីដែលខុសឆ្គងបន្តិចបន្តួចយើងស្តីបន្ទោសឲ្យខ្លួនឯង។ ការធ្លាក់ទឹកចិត្តគឺជាមនុស្សដែលចូលចិត្តសង្ស័យ និងមិនឲ្យតម្លែខ្លួន​ឯង។ យកការគិតឲ្យធំជាងការយកអារម្មណ៍មកដាក់ពីមុខ ត្រូវតែមានជំនឿជឿជាក់លើខ្លួនឯង សរុបមកគិតអ្វីដែលវិជ្ជមាន។

ស្ថានភាពផ្លូវចិត្តវាមិនមែនធ្វើឲ្យអ្នកបាក់ទឹកចិត្តទាំងស្រុងនោះទេ។ ការបាក់ទឹកចិត្តវាគ្រាន់តែជារឿងអវិជ្ជមានមួយដែលអ្នកពិបាកក្នុងការដោះស្រាយ ឬការគ្របគ្រងស្ថានការណ៍តែប៉ុណ្ណោះ។ យើងត្រូវដឹងថាបើមិនជាប់ពាក់ពាន់នឹងយើង គឺកំស្តាប់ និងគិតអំពីវាឲ្យសោះ ងាកមកធ្វើរឿងល្អៗរបស់ខ្លួនទើបល្អ។ ចង់ចាំថាយើងត្រូវតែមានការផ្លាស់ប្តូរ និងអភិវឌ្ឍឲ្យកាន់តែប្រសើរ ព្រោះកំហុសដែលធ្វើឲ្យយើងបានជួប ឬធ្វើសុទ្ធតែអាចដោះស្រាយបាន មិនមែនដោយតែចំណុចអវិជ្ជមានដ៏តូចមួយមកបង្អាក់ដំណើរយើងនោះទេ។

​បើសិនជាអាច អ្នកគួរតែបង្វែរអារម្មណ៍របស់អ្នកដើរចេញពីភាពស្មុគស្មាញទៅទើបល្អ។ ការគិតអវិជ្ជមាន ប្រៀបដូចជាសត្រូវរបស់អ្នកអញ្ចឹង។ គួរតែចំណាយពេលដើរលំហែរកាយ ស្រូបយកខ្យល់អាកាសបរិសុទ្ធ ធ្វើឲ្យអារម្មណ៍ធូរស្រាយជាងមុន ឬដើរលេងជាមួយមិត្តភក្តិជិតស្និទ្ធរបស់អ្នក។

          ការគិតក្នុងនៃវិជ្ជមានប្រ​យោជន៍ក្នុងការជួយកាត់បន្ថយជំងឺបាក់ទឹកចិត្ត ដែលវាស្ថិតនៅលើគោលការណ៍មួយចំនួននឹងការគិតរបស់អ្នកទៅនឹងបញ្ហាសុខភាព។ ពេលខ្លះទៀតអ្នកក៏ត្រូវការអ្នកផ្សេងជួយផ្តល់ជាយោបល់ ដើម្បីឲ្យកាន់យល់ពីហេតុ ឬចំណុចណាមួយ ដែលអ្នកបានគិតខុស និងមិនបានគិតឲ្យបានគ្រប់ជ្រុងជ្រោយ។ ដូច្នេះអ្នកគួរតែអាចសៀវភៅដែលទាក់ទងនឹងការអប់រំឲ្យបានច្រើនដើម្បីពង្រីកការគិតរបស់អ្នក។

កំណត់ហេតុមានពីរយ៉ាងគឺ សរសេររឿងរ៉ាវដែលកើតឡើងប្រចាំថ្ងៃ​ និងផែនការសម្រាប់ថ្ងៃបន្ទាប់។ ការធ្វើបែបនេះនឹងដឹងថាអ្នកបានធ្វើអ្វីខ្លះ និងត្រូវធ្វើអ្វីទៀតសម្រាប់ខ្លួនអ្នក។ វិធីដែលល្អនោះគឺអ្នកគួរតែសរសេរឲ្យបាន ៥ចំណុចជារៀងរាល់ថ្ងៃព្រោះជាអ្នកជួយរំលឹកអ្នក និងការជៀសវាងនូវរឿងអាក្រក់ដែលធ្លាក់កើតមកលើអ្នក។ អ្នកនឹងលែងព្រួយថា តើអ្នកគួរតែធ្វើអ្វីទៀតអំឡុងពេលអ្នកអន់ចិត្ត ឬមិនសប្បាយចិត្ត។

នេះអាចជារឿងលំបាកបំផុតនៅពេលដែលមានអារម្មណ៍ក្រៀមក្រំប៉ុន្តែវាគឺជារឿងមួយដែលល្អទៅវិញ។ ការបង្ខំខ្លួនអ្នកចេញ និងការញែកខ្លួនចេញពីអ្នកដទៃវាដូចជាគំនិតល្អ ប៉ុន្តែការចេញនេះគឺមានកម្រិតត្រឹមត្រូវ ហើយត្រូវផ្តោតលើគំនិតវិជ្ជមាន។

នេះជាចំនុចសំខាន់សម្រាប់សុខភាពរបស់អ្នក ហើយអ្នកគេមិនបានគ្រប់គ្រាន់ វាជាអការៈមួយដែលធ្វើឲ្យប៉ះពាល់ដល់អារម្មណ៍របស់អ្នកដូចជា ការគិតអីមិនចេញ ឆាប់ខឹង ឆេវឆាវ។ យ៉ាងតិចឲ្យបាន ៧.៥ម៉ោង អ្នកត្រូវគេងឲ្យបានគ្រប់គ្រាន់ ដើម្បីសុខភាពខ្លួនអ្នក និងខួរក្បាលរបស់អ្នក។

ភាពអត់ធ្មត់គឺជាដំណោះស្រាយដ៏ល្អបំផុត​ នៅពេលដែលអ្នកមានអារម្មណ៍ខឹងនរណាម្នាក់។ អារម្មណ៍ខឹងច្រើនគឺធ្វើឲ្យខ្លួនឯងកាន់តែស្មុគស្មាញជាងមុនទៅវិញ និងកាន់តែគិតថាខ្លួនឯងកាន់តែអន់។ ប៉ុន្តែអ្នកមិនគួរឲ្យនរណាម្នាក់មកជាន់ឈ្លីអ្នកនោះទេ អ្នកគ្រាន់តែយកបញ្ហានោះមកដោះស្រាយ ឲ្យចប់សបគ្រប់ មិនត្រូវយកវាមកលាក់ក្នុងចិត្តទុកនោះទេ។ ក៏ជាចំណុចមួយដែលធ្វើឲ្យកាន់តែមានការធ្លាក់ទឹកចិត្ត ព្រោះអ្នកបៀមទុកបញ្ហាទាំងនោះ។

បើនិយាយទៅគឺយើងផ្តោតលើសុខភាពផងដែរ ការធ្វើលំហាត់ប្រាណធ្វើឲ្យយើងមានអារម្មណ៍ល្អ រាងកាយរបស់យើងមាំមួន បង្កើនការចងចាំ និងចំនុចល្អៗផ្សេងទៀត។ ដូច្នេះយើងត្រូវមានធ្វើលំហាត់ប្រាណឲ្យបានជាប្រចាំ ទើបធើ្វជីវិតរបស់អ្នករស់នៅមានន័យ។

ជំងឺធ្លាក់ទឹកចិត្តអាចធ្វើអោយអ្នកចង់តែលាក់ខ្លួនឲ្យបាត់ពីពិភពលោកនេះ។ វាមិនអីទេក្នុងការចំណាយពេលបន្តិចបន្តួចដើម្បីធ្វើឲ្យខ្លួនឯងមានអារម្មណ៍កាន់តែប្រសើរឡើងវិញបាន។ គ្រប់គ្រងជំងឺធ្លាក់ទឹកចិត្តបានល្អ វាអាចជាជីវិតដ៏អស្ចារ្យលើសពីការធ្លាក់ទឹកចិត្តទៅទៀត ប្រសិនបើអ្នកអាចធ្វើវាបាននោះ។