បាល់ទាត់
ជាកីឡាដ៏ពេញនិយមបំផុតមួយនៅក្នុងលោក។ ក្រៅពីប្រកួតប្រជែងផ្លូវការ
វាក៏ជាកីឡាដែលមនុស្សទាំងក្មេងទាំងចាស់
នាំគ្នាលេងដើម្បីជាការហាត់ប្រាណ ក៏ដូចជាដើម្បីភាពសប្បាយរីករាយ
សាមគ្គីភាព និងមិត្តភាព។ទន្ទឹមនឹងនេះដែរ បាល់ទាត់ក៏នាំមកនូវអត្ថប្រយោជន៍ចំពោះសុខភាពជាច្រើនផងដែរ។
១. សរសៃឈាម
និងបេះដូងដើរបានល្អ
កីឡាបាល់ទាត់តម្រូវឲ្យរត់
ញាក់ និងបញ្ចេញសកម្មភាពជាច្រើន ដែលជួយឲ្យសរសៃឈាម
បេះដូងដើរបានយ៉ាងល្អ ព្រមទាំងរឹងមាំ។ ទម្លាប់លេងកីឡាបាល់ទាត់រៀងរាល់ថ្ងៃអាចជួយដុតបំផ្លាញធាតុកាឡូរីអាក្រក់ចេញពីរាងកាយបានយ៉ាងល្អ។
២.
ពង្រឹងសាច់ដុំឲ្យខ្លាំង
ការលេងបាល់ទាត់គឺធ្វើឲ្យសាច់ដុំភាពមានស្វាហាប់
និងបញ្ចេញកម្លាំងជាច្រើនទៅលើបាល់។សកម្មភាពលោតហក់ ដើរ រត់ចុះឡើង
ធ្វើឲ្យសាច់ដុំគ្រប់កន្លែងនៃរាងកាយរឹងមាំ រហ័សរហូន។
៣.
ជួយឲ្យឆ្អឹងរឹងមាំ
សកម្មភាពលេងបាល់ទាត់ជួយឲ្យកំហាប់ឆ្អឹងរឹងមាំល្អ
និងខ្លាំង។ ការលេងកីឡាប្រភេទនេះជាប្រចាំធ្វើឲ្យគ្រោងឆ្អឹងទាំងមូលរឹងមាំ
ព្រមទាំងរក្សារាងឲ្យបានស្អាតផងដែរ។
៤.
ជួយឲ្យខួរក្បាលគិតបានរហ័ស
ក្រៅពីជួយដល់ផ្នែករាងកាយ
ការលេងកីឡាបាល់បាត់ក៏បានជួយបង្កើនភាពវៀងវៃ និងធ្វើឲ្យការគិតបានឆាប់រហ័ស។
សកម្មភាពកីឡានេះជួយឲ្យអ្នកលេងមានស្មារតីរឹងប៉ឹង និងមានភាពរហ័សរហួន។
៥.
ការពាររាងកាយពីជំងឺផ្សេងៗ
ឧស្សាហ៍លេងកីឡាបាល់ទាត់
ជួយការពាររាងកាយឲ្យចៀសឆ្ងាយពីជំងឺមួយចំនួនដូចជា ភាពធាត់ជ្រុល
សម្ពាធឈាមខ្ពស់ ជំងឺបេះដូង និងជំងឺទឹកនោមផ្អែម
ដែលជួយឲ្យសុខភាពមិនងាយទ្រុឌទ្រោម។
៦.
កាត់បន្ថយអារម្មណ៍តានតឹង
ការលេងបាល់ទាត់ជួយឲ្យអារម្មណ៍សប្បាយរីករាយ កាត់បន្ថយភាពតានតឹងមួយចំនួនចេញ និងធ្វើសុខភាពផ្លូវចិត្តបានប្រសើរឡើង៕
ការលេងបាល់ទាត់ជួយឲ្យអារម្មណ៍សប្បាយរីករាយ កាត់បន្ថយភាពតានតឹងមួយចំនួនចេញ និងធ្វើសុខភាពផ្លូវចិត្តបានប្រសើរឡើង៕
0 comments:
Post a Comment