អាហារូបករណ៍ប្រៀបដូចជាគ្រាប់ពេជ្រមួយសម្រាប់អ្នក ប្រាថ្នាចង់បាននិងស្វះស្វែងរក។ ដំបូន្មានពីអ្នកជោគជ័យធ្លាប់ទទួលបានកញ្ចប់សិក្សាដោយឥតគិត ថ្លៃនោះអាចជាការបង្ហាញផ្លូវដ៏ល្អ បូករួមទាំងការអនុវត្តដើម្បីសម្រេចគោលដៅចាប់យកអាហារូបករណ៍។ ដូចនេះគេហទំព័រ Top Universities បានស្រង់យកការចែករំលែកប្រាប់ពីអ្នកជោគជ័យ ក្នុងការដាក់ពាក្យអាហារូបករណ៍ មួយចំនួនមកបង្ហាញ៖
១. ដាក់ពាក្យឲ្យបានមុន កាន់តែឆាប់កាន់តែល្អ
វា អាចជារឿងពិបាកក្នុងការរៀបចំតាមដំបូន្មាននេះ ប៉ុន្តែអ្នកឈ្នះអាហារូបករណ៍ជាច្រើនបានឲ្យដឹងថា វាជាចំណែកសំខាន់
មួយជួយឲ្យពួកគេជោគជ័យទទួលបានអាហារូបករណ៍។ “សាលាជាច្រើនមានលុយអាហារូបករណ៍ផ្ដល់ជូនសិស្សនិស្សិតក្នុង
ចំនួនកម្រិតមួយ ហើយបើដាក់ពាក្យមុន អ្នកនឹងអាចមានលទ្ធភាពទទួលបានមុន”។ នេះបើតាមសម្ដី Alexis Csizmazia ដែល
ទទួលបានអាហារូបករណ៍សកលវិទ្យាល័យ QS-IE។
២. ចូលមើលវិបសាយសាលា រកមើលឱកាសអាចទទួលបាន
សកលវិទ្យាល័យមួយចំនួនដែលអ្នកចង់ទៅរៀនតែងមាន វិបសាយជាប្រភពព័ត៌មានល្អមួយដែលអ្នកអាចទាក់ទងស្វែងរក
អាហារូបករណ៍បាន។ Doris Fang អ្នកឈ្នះការសិក្សាមិនគិតថ្លៃ QS Connect Masters 1-2-1 ឆ្នាំ២០១៥ បានឲ្យដឹងថា៖ “ខ្ញុំ
ណែនាំឲ្យចូលមើលក្នុងវិបសាយសាលាដែលអ្នកចាប់អារម្មណ៍ ចង់ដាក់ពាក្យទៅរៀន។ តាមធម្មតា វិបសាយសាលាទាំង
នោះនឹងផ្ដល់ព័ត៌មានលម្អិតទាក់ទងអាហារូបករណ៍ និងមូលនិធិផ្ដល់ជូនសម្រាប់និស្សិតដាក់ពាក្យប្រជែងយកផងដែរ”។
៣. ស្វែងរកព័ត៌មានអាហារូបករណ៍តាមប្រភពផ្សេងៗ
“ការស្រាវជ្រាវជាគន្លឹះសំខាន់មួយ”។ នេះបើតាម Thuy Phamova Thanh អ្នកទទួលបានអាហារូបករណ៍ QS។ អ្នកមានបទ
ពិសោធន៍ ឈ្នះអាហារូបករណ៍ជាច្រើនណែនាំឲ្យអ្នក ស្វះស្វែងរកអាហារូបករណ៍អាចរកតាមប្រភពជាច្រើនដូចជា អ៊ីនធឺណិត
បណ្ណាល័យ តាមរយៈមិត្តភ័ក្ដិជាដើម។ ប្រភពទាំងនេះអាចបង្ហាញប្រាប់ដល់អ្នកអំពីស្ថាប័នឬអ្នកផ្ដល់ អាហារូបករណ៍គ្រប់
ប្រភេទ។
៤.យកចិត្តទុកដាក់លើសំណេរដាក់ពាក្យអាហារូបករណ៍
នៅ ពេលអ្នករកបានប្រភពអាហារូបករណ៍និងសម្រេចចិត្ត ដាក់ពាក្យ ត្រូវប្រាកដថាពាក្យស្នើសុំរបស់អ្នកឆ្លើយតបទៅនឹងអ្វីឭ
ដែលខាង សាលាចង់បាន។”ចំណាយពេលវេលាបន្តិចពិនិត្យមើលសំណេរអត្ថបទសុំ អាហារូបករណ៍របស់អ្នក ពិនិត្យមើល
ពាក្យគន្លឹះសំខាន់ៗ និងឆ្លើយតបឲ្យចំអ្វីដែលគេចង់បាន”។ នេះជាការណែនាំរបស់ Salimatou Balde អតីតនិស្សិត
អាហារូបករណ៍សកលវិទ្យាល័យ QS-IE។
៥.សុំនរណាម្នាក់ឲ្យជួយពិនិត្យមើលពាក្យរបស់អ្នក
ក្រោយ ពិនិត្យរកមើលកំហុសក្នុងពាក្យស្នើសុំអាហារូបករណ៍ដោយ ខ្លួនឯងរួច ការសុំឲ្យនរណាម្នាក់ជួយពិនិត្យនិងផ្ដល់ជាមតិ
អាច ឲ្យ អ្នកដឹងពីចំណុចខ្លាំងនិងភាពខ្សោយរបស់អ្នកបាន។ “ពាក្យស្នើអាហារូបករណ៍របស់ខ្ញុំកាន់តែប្រសើរឡើងពេលខ្ញុំបាន
សុំ ឲ្យមិត្តភ័ក្ដិជួយពិនិត្យមើល ជាពិសេសអក្ខរាវិរុទ្ធនិងវេយ្យាករណ៍”។ នេះបើតាម Stephen Jarvis អ្នកឈ្នះអាហារូបករណ៍
QS Academic Excellence ។
៦.ចេះលៃលកពេលវេលា
ការគ្រប់គ្រងពេលវេលាបានល្អជារឿងមួយសំខាន់ ពិសេសពេលអ្នកដាក់ពាក្យស្នើសុំអាហារូបករណ៍ច្រើន។ ពិនិត្យមើលរាល់
ថ្ងៃផុតកំណត់ឈប់ទទួលពាក្យ ដូចនេះអ្នកអាចលៃលកពេលគ្រប់គ្រាន់សម្រាប់រៀបចំឯកសារគ្រប់ តាមតម្រូវការ។ កញ្ញា
Valentina Sandulova សិស្សអាហារូបករណ៍ QS EDHEC- Business School ធ្លាប់ជាអ្នកធ្វើការពេញម៉ោងមុនពេលជាប់
អាហារូបករណ៍។ នាងបាននិយាយថា៖ ” អត់ធ្មត់ ព្យាយាមដាក់ជាបន្តបន្ទាប់ និងប្រាកដថាអ្នកចេះលៃពេលដូចនេះអ្វីៗនឹង
អាចដំណើរការបាន ល្អ”។
៧. ដាក់ហើយដាក់ទៀត
ជា ចុងក្រោយ អ្វីដែលអ្នកមានបទពិសោធន៍ឈ្នះអាហារូបករណ៍ណែនាំគឺ ចាប់ផ្ដើមដាក់ពាក្យ! “ដំបូងខ្ញុំមិនប្រាកដខ្លួនឯងថា
ត្រូវដាក់អាហារូបករណ៍មួយនេះឬ មួយនោះ ឬយ៉ាងណានោះទេ ព្រោះវាមានការប្រកួតប្រជែងច្រើនមែនទែន ប៉ុន្តែការសាក
ល្បង និងការខំប្រឹងប្រែងជាការសម្រេចចិត្តល្អ បំផុតដែលខ្ញុំបានធ្វើ”។ នេះជាសម្ដីរបស់ Lee MacPherson អ្នកឈ្នះអាហា
រូបករណ៍ QS Leadership ។ អ្នកទទួលអាហារូបករណ៍ជាច្រើនបានឲ្យដឹងថា ពួកគេធ្លាប់បានទទួលលិខិតបដិសេធ ឬមិនជាប់
អាហារូបករណ៍ជាច្រើនដងមុនពេលជោគជ័យទទួលបានវា។ ពួកគេបានឲ្យយោបល់ថា ការលើកទឹកចិត្តខ្លួនឯងខំព្យាយាម
កែប្រែចំណុចខ្វះខាត និងបន្តព្យាយាមដាក់ពាក្យជាសោសំខាន់បើកទ្វារទៅទទួលយក អាហារូបករណ៍ដែលខ្លួនប្រាថ្នាចង់
បានដោយជោគជ័យ៕
0 comments:
Post a Comment